الثقافة
واشكر اللي شاركو من صغير ومن كبير وفضلهم تاج ن على الراس شيبان وشباب انتم اهل الشيمه وفعلكم فعل شهير وكل شخص ن حقه من الثناء يملى كتاب
بعد أن عاد بحمد الله وفضله الشاب ” صالح الغامدي ” إلى منزل والده بالجبيل البلد بعد غياب لمدة يومين عاشت الجبيل وقتها أوقاتا عصيبة مابين التكهنات والتوقعات والتأويلات إلى أن ظهر صالح أخيرا وهو في اتم الصحة والعافية , جادت قريحة خاله بهذه القصيدة :
احمد اللي يباب رحمته للمومن كبير
واحد( ن) ما دون فضله ولا عفوه حجاب
ربنا اللي يرزق الطير ويدل الضرير
نرتجي رحمته ونخاف من قو العذاب
انت ربي وانت ملجاي واليك المصير
اطلبك رحمتك يالله في يوم الحساب
خاضع( ن) لك خاشع( ن) لك وانا عبد (ن) فقير
واسجد لهيبتك واحط خشمي فالتراب
مالك( ن) ذا الكون مالك على عرشك خشير
يا لطيف (ن) في عبادك ويا جزل الثواب
يوم جانا علم صالح رجينا فيك خير
فنت رب الكون قادر وحلال الصعاب
مرت اليومين والحال في وضعه عسير
وانفطر قلبي من الحزن لين الراس شاب
وصرت اطارد كل كلمه واحث لها المسير
وكنت انا العطشان واسعى ورى وهم السراب
وصرت اشوف الناس تمشي واحس اني كسير
واتوجد وجد من ضاع خيله والزهاب
وصار كل( ن )في عيوني عدا صالح يسير
لجله ارخص له حلالي وترخص له رقاب
فاحمدك ياربنا عد ما طير( ن) يطير
وعد ما هبت رياحك وساقت ذا السحاب
يوم حفظك ياإلاهي وقى طفل (ن) صغير
جاهل ن طيشه لعبه ولا حسب حساب
انت من وفر طعامه وسخر له سرير
واحتميته من شرور( ن) لها ضرس ن وناب
واكتفلت بحفظ عبدك من الشر الشرير
وامتنعته من ضاعف النفوس اهل الخراب
وعينك الي شافته يوم ما غيرك بصير
ورحمتك دلته يمشى على الدرب الصواب
واشكر الي شاركوا من صغير ومن كبير
وفضلهم تاج (ن )على الراس شيبان وشباب
انتم اهل الشيمة وفعلكم فعل(ن) شهير
وكل شخص ن حقه من الثناء يملى كتاب
ودي ازف الشكر من زهور ومن عبير
وفوقها دعوه فقير (ن )عساها تستجاب
لابن عمي درع جنبي وسيف (ن) لي شطير
لا بغيته في لزوم (ن) يحث له الركاب
يوم جانا بالولد زاد قدره فالضمير
و اضحكت دنياي من عقب حز( ن) واكتئاب
ويا طلال الله يمنعك من حر السعير
يوم فرحت القلوب الحزينه والعطاب
والله اني خابرنك على الطاله جدير
في الدروب الوافيه ما تذل ولا تهاب
انت والله خوتك ما لها عندي شوير
كيف اشاور في مخوة عريب الانتساب
انت راعي الفزعه الي غدت بدر ن منير
ما عليها خوف لاحان وقت الانقلاب
فاحمد الي باب رحمته للمومن كبير
واحد (ن) ما دون فضله ولا عفوه حجاب
ربنا الي يرزق الطير ويدل الضرير
نرتجي رحمته ونخاف من قو العذاب
والختام الله يقسم لنا ستر (ن) وخير
ويا صلاه الله على محمد ختام الجواب
_______
علي سالم ظافر الغامدي (خال صالح)
االحمد لله الي رد ولدكم وبيض الله وجه خاله على هالابيات الي تدل على المشاعر الصادقه الي غدت واضحه في القصيده فصح لسانه وبيض الله وجهه على ما قدم ولا شكر على واجب فنحن مسلمون والمسلم اخو المسلم
هههههههههههههههههههههههههههههه قناة الصحراء على غفلة